xmlns:og='http://ogp.me/ns#'> "NOTJUSTABLOG": Love Mo Ba Ang Kapatid Mo?

Popular Post of the Week

Love Mo Ba Ang Kapatid Mo?


May kapatid ka ba? Madalas ba kayong mag-usap? Close ba kayo? Minsan kung sino pa ang magkapatid sila pa ang hindi magkasundo. Maliit na bagay pinag-aawayan. Simpleng bagay pinag-aagawan. Bakit ‘di na lang kayo magmahalan o magbigayan?

Panganay ka ba?

Naalala mo ba ung mga bata pa kayo. Madalas mong pinapaiyak ang bunso mong kapatid. Naiinis ka sa kanya kasi feeling mo mas love siya ng parents n'yo. 

Minsan naman iniisip mo na sana wala ka na lang kapatid para wala kang kaagaw sa atensyon o sa anumang bagay. Kaya nga selos na selos ka nang magkaroon ng bagong baby sa bahay n’yo. Feeling mo hindi na ikaw ang favorite.

Bunso ka ba?

May lihim kang galit o inis sa kuya o ate mo. Sino ba naman ang hindi maiinis kung mas mahigpit pa sila sa parents n’yo. Ang daming bawal saka madalas pinapagalitan ka. Ang problema, ikaw lahat ang tagasalo ng mga pinaglumaan nila. Kailan ka ba nagkaroon ng bagong damit? Ang sapatos mo nga eh pinaglumaan na ng kapatid mo.

Ang problema pa, dahil ikaw ang bunso ay madalas ikaw ang utusan. Tagabili ng kamatis sa tindahan o tagahugas ng pinggan. Minsan naisip mo na sana ikaw na lang ang panganay. Paano ba naman, sawang sawa ka na sa mga pinag-uutos nila sa’yo.

Nasa gitna ka ba?

Minsan mararamdaman mo na hindi ka member ng family. Si kuya kasi ang laging bukambibig ng mga magulang n’yo. Matalino si kuya, maganda si ate at ang pinakamasakit ung alam mong si bunso ang favorite ng lahat.




Bawat magkapatid ay may kanya kanyang problema o drama sa buhay. Minsan nga mas marami mas magulo. Bata pa lamang kayo hindi na kayo magkasundo. Hindi kayo close. Ang problema pa, kayo din ang nagsisiraan.

Para kay bunso, kailan mo ba niyakap ang kuya mo? Nakalimutan mo na nga nung mga panahong si Kuya ang naghahatid sa’yo sa school. Si ate ang nag-aalaga sa’yo o nagpapakain. Hindi mo man lang naisip na kaya ka nila pinapagalitan ay para itama ang pagkakamali mo.

Minsan iniisip mo na hindi ka mahal ng kuya o ate mo. Kaya kapag pinagalitan ka eh sumasagot ka. Lumalaban ka. Hindi mo man lang naisip na kaya sila nagagalit sa’yo dahil may pagkakamali ka.

Para kay kuya o ate, kung panganay ka minsan naroon ang pressure o stress kasi nakapasan sa’yo ang responsibilidad lalo na kung ikaw ang bumubuhay sa pamilya.

Bilib ako sa’yo kung ikaw ang tipo na mapagmahal na kapatid. Un bang isasakripisyo mo ang lahat para lamang sa mga kapatid mo.

Naging OFW ka kasi gusto mong mapag-aral ang mga kapatid mo. Gusto mong mabigyan sila ng masarap na buhay. Lahat gagawin mo para sa kanila. Nakalimutan mo na nga ang lovelife mo dahil mas inuuna mo pa kapakanan nila.



Minsan kung kailan pa kayo nagkahiwalay doon pa kayo magiging close. Kasi maiisip mo na mahal mo rin pala ang mga kapatid mo – kahit aso’t pusa pa kayo noong mga bata pa kayo.

Natutuwa ka kapag nakikita mong masaya ang kapatid mo pero minsan naman naiinis ka kapag inuutangan ka na.

Hate na hate mo kasing magpautang ng pera. Minsan nga mas nakaka-utang pa ang mga kaibigan mo kaysa sa kapatid mo.

Nagrereklamo ka ba kung minsan panay ang hingi sa’yo ng mga kapatid mo? Bili ng ganito, pahiram ng ganito, at ang mas masakit ikaw pa ang uutusang magbayad ng kuryente.

Minsan naman, sumasama ang loob mo kasi feeling mo kinakausap ka lang kung may kailangan sila sa’yo. Un bang hihingi muna sila bago ka kumustahin.

Pero alam mo ba, na minsan ang paghingi ni bunso sa’yo ng bagong sapatos ay paraan na rin ng paglalambing niya. Minsan akala mo hindi ka na mahalaga sa kanila. Iniisip mo kasi na kailangan ka lang nila.

Naisip mo ba na kung bakit sa dami n’yong magkakapatid eh ikaw ang hinihingian? Minsan kasi nagpapalambing lang sa’yo ang kapatid mo. Mas masakit pa nga ung alam mong kaya mong ibigay pero sa iba pa lumalapit ang kapatid mo.

Kasi di ka niya naisip kaya sa iba siya lumapit. Kaya maging masaya ka na kung panay ang kulit sa’yo ni bunso.

Kaysa dumating ung time na wala ng mangungulit sa’yo.

Kuripot ka kasi! Joke!

Minsan naman si kuya ang humihingi sa’yo. Naiinis ka pa nga minsan kasi sa isip mo dapat ikaw ang bigyan. Pero alam mo ba na sa simpleng bagay eh napapasaya mo na ang kuya o ate mo. Minsan nga makita ka lang nila na masaya at okay ay masaya na sila para sa’yo.

Lalo na kung bibigyan mo sila ng bagong cellphone.

Hindi naman masama ang magbigay ‘diba? Lalo na kung sa kapatid mo iyon mapupunta. Kailan mo ba nabigyan ng regalo ang kapatid mo?

Minsan nga mas bongga ka pang mag-regalo sa ka-tropa mo. May greeting cards ka pa. Pero sana maisip mo na sana nagagawa mo rin iyon sa mga kapatid mo.

Minsan naman, kapag nagmamahal ka sa mga kapatid mo. Mahirap ung sitwasyon na lumalapit sila sa’yo pero wala kang magawa. Naglalambing si bunso para ibili mo ng bagong damit pero hindi mo kayang ibigay.
Hirap na hirap ka na sa buhay mo pero nagtitiis ka. Kaya nga naisipan mong mag-abroad diba? Para maibigay sa kanila ang pangangailangan nila.

Ang problema naman, kapag si kuya o ate ay naging OFW minsan pakiramdam ni bunso mayaman na siya. Hingi nang hingi kahit di naman kailangan. Sana maisip mo rin na nagpapakahirap ang kapatid mo para lamang mabigyan ka ng magandang buhay.



Naisip mo ba na darating ang panahon na maghihiwalay din kayo? Magkakaroon din kayo ng sarili n’yong pamilya. Kaya habang magkakasama pa kayo sa iisang bubong dapat magmahalan na kayo. Iwasan ang mga away lalo na kung hindi na kayo mga bata.

May asawa ka na? Nakikitira lang ang kapatid mo sa bahay mo eh sinusumbatan mo na. Kung maka-utos ka akala mo hindi mo kapatid. Kasalan ba niya kung mahirap lamang siya? Sana nga ikaw ang tumulong sa kanya dahil ikaw ang may magandang buhay.

Ang problema pa, hindi mo magawang tulungan ang kapatid mong naghihirap. Ewan ko ba! Aminin n’yo man o hindi eh maraming ganito.

Un bang kapatid mo pa ang mag-aalila sa’yo. Hindi mo pa mautangan o minsan naman sinusumbatan ka pa bago tulungan.

Mahirap talaga ang ganyang sitwasyon. Ung kapatid mo pa ang kontrabida ng buhay mo. O, hinde!

--

Ang dami kong nasabi. Alam n’yo ba na wala akong kapatid? Mahirap din ang maging solong anak. Maswerte ka pa nga kasi marami kang kapatid. Kaya sana kung may pagkakataon lang eh magmahalan kayo.

Natutuwa ako sa mga magkapatid na parang tropa lang. Close sila sa bawat isa. Masarap sa pakiramdam na may kapatid na nagmamalasakit sa’yo.

Alam ko din na marami ding magkakapatid ang hindi magkakasundo. Minsan nga sila pa ang nag-aawayan. Hay! Sana lamang maayos na nila ang mga gulo. 

Tandaan, masarap ang may kapatid kung magmamahalan lamang kayo. Habang may pagkakataon iparamdam mo na sa mga kapatid mo na mahal mo sila… kasi darating ung time na maghihiwalay din kayo --- kanya kanyang sariling pamilya.

Kung may kasalanan sa'yo ang kapatid mo -- hindi pa huli ang lahat. Matuto kang magpatawad. At kung may pagkakamali ka... ikaw na ang magpakumbaba.

Bago ako matapos, isa lamang ang aking katanungan. Love mo ba ang kapatid mo? Paano mo ipaparamdam sa kanya?

“Huwag kang magrereklamo kung may hinihingi sa’yo ang kapatid mo. Matuwa ka dapat kasi sa dami nang pwede niyang lapitan ay ikaw ang nakita niya.” – jondmur

Note: Ito ay para sa lahat. Wala po akong pinapatamaan ^_^ next post ko ay personal blog --- tungkol sa solong anak.

Images: Source -- google images




28 comments:

  1. Love ko mga kaptid ko, may kapatid ako sa ama at may kapatid ako sa ina,ako po ang panganay sa lahat.tatlo ang natulungan kong napag aral kahit may sarili akong mga anak, pero ngayon na may college na ako sila na ang kaakbay ko sa lahat na pangangailangan ng mga anak ko,

    ReplyDelete
    Replies
    1. thanks sa pagbasa ha... nakaka touch naman ang kwento mo...

      salamat sa pagbisita... ^_^

      Jons

      Delete
  2. Dapat ang title ay para kay Archieviner. lol. Sapul na sapul ser. Nice post:)

    May naisip ako sir. Exchange gift tayo sa pasko. bibigyan kita ng limang kapatid. lol

    Ako na diba ang bago mong kapatid? Ikaw ang kuya ko ako ang bunso. :) Kahit sa blog lang ay maging bunso ako at magkaroon ka ng kapaitd. hehe

    ReplyDelete
    Replies
    1. Ako rin, ikaw na ang bago kong Kuya Jons. Pengeng iPad :D

      Delete
    2. Haha, actually si Kuya Arvin nga naisip ko nun binabasa ko to.. nakiki-kuya ako :p

      Delete
    3. Kuya talago ako T.T Bunso naman :'(

      Delete
    4. haha uu nga parang para kay archie to! gusto talaga maging bunso hehe..

      Delete
    5. hehehe sarap kaya maging kuya hehehe.... pero minsan maswerte din ang maging bunso...

      ^_____^

      Oo dapat maging bunso naman si Arvin hehehe

      Delete
  3. hehehe sige tanggapin ko ang exchange gift hehehe....

    hehehe sabagay okay yan... masarap din magkaroon ng kaibigang kapatid hehehe....

    thanks ^_^

    ReplyDelete
  4. casual lang para walang kupalan.. hehehe.. pero solb naman kami.. smooth .lang..

    ReplyDelete
    Replies
    1. tama yan hehehe thanks sa pagbasa ^_^

      Delete
  5. Ipinagmamalaki kong naging panganay ako. Kahit mahirap ang responsibilidad, alam mong worthy. Lalo kapag ang kapatid at mga magulang mo naman ay masasaya :D Kagaan sa pakiramdam. :)))

    ReplyDelete
    Replies
    1. yup... buti ka pa may kapatid... para sa akin masarap maging panganay... un bang ikaw din ang tagapagtanggol nila...

      Delete
  6. Lima kaming magkakapatid... masasabi kong ayos ang samahan namin... although tama ka don na noong bata pa kami ay pandalas ang awayan... hindi ako bunso at hindi rin panganay, nasa gitna ako... at ako ang paborito nilang lahat lol (joke)

    Ang dami mong alam sa usaping magkakapatid kahit solong anak ka lang...

    ReplyDelete
    Replies
    1. naks.. ikaw na ang favorite hehehe

      like ko kasing magkapatid kaya nag oobserve ako palagi... natutuwa ako pag may nakikita akong magkapatid na sweet sa isat isa hehehe

      Delete
  7. Well anim kami, ako ang pang third. Halos di naman kami lumaki together, kaya d masyado ang naging awayan. Actually , we help each other when we can. Dapat ang work mo tagapayo. Hi hi. Galing mo kasi!

    ReplyDelete
    Replies
    1. nakakatuwa naman po yun... maganda talaga kapag nagtutulungan.. nagdadamayan...

      Thanks po ^^ hugs ^_^

      Delete
  8. Missing my siblings so much..kaya ako nag abroad dahil sa kanila..

    ReplyDelete
    Replies
    1. thanks sa pagbasa ha.... sure ako miss ka na rin nila... ^_^

      Delete
  9. Haha, bunso ako kaya nun maliit pa ko galit ako kay ate kasi mas mahigpit pa siya kay mama talaga, lagi ako pinapatulog pag hapon kahit ayaw ko, haha! Pero ngayon super close na kami! walang nag-OFW samen pero yun Kuya ko yun medyo malayo, sa Nueva Ecija nakatira.. Bakit feeling nila mayaman ako kahit di ako OFW, haha..

    ReplyDelete
    Replies
    1. wow! kaw pala ang baby sa family.... kaya love na love ka nila hehehe

      Delete
  10. parang ang lungkot nga maging solong anak..
    Im the eldest pero puro lalake kapatid ko..kahit mga lalake yun mas takot pa sila saken kesa na nanay ko..haha! i love my brothers :)

    ReplyDelete
    Replies
    1. yup... nakaka sad din... un bang pakiramdam mo pasan mo lahat ng kalungkutan hehehe

      at syempre love ka rin nila...

      keep smilling....

      Delete
  11. ako ang eldest pero hindi ko naramdaman na mas favorite ang iba. sunukan nila sasapakin ko sila haha :)

    masayang maging eldest, pwede ko sila utusan at bigyan ng kung ano anong bagay :)

    ReplyDelete
    Replies
    1. hehehe talagang di mawawala ang utusan hehehe.... sabagay tama ka... masarap talaga... ramdam ko lang hehehe....

      tingin ko okay ka din na kapatid hehehe.... mapagbigay ka siguro hehehe

      Delete
    2. Buti na lang kahit bunso ako, hindi ako naging utusan ever.. ang naging utusan yun sinundan ko, hihi

      Delete
  12. well apat kami pangalawa ako sa panganya tough may pagkakataon nag kakainisan kami lalo kaming dalawa nung sumunod sakin love ko sila at di mag babago ung san man kami dalin ng buhay

    ReplyDelete
  13. Super close kami ng kapatid ko, lalaki siya, ang dami na naming pinagdaanang magklasama kami, magpasimula ng magkahiwalay ung parents namin na napadpad kami sa probinsya para paalagaan sana since may financial support naman mula sa tatay ko ang kaso child abuse ang nangyari... after 3 years nakabalik kaming maynila, close talaga kami, ang taas ng respeto niya sa'kin at sinusugod ko lahat ng nangaaway sa kanya, binabara o nilalait ko pa nga eh, kaso dumating yung point na sa sobrang problema ko, kahihiyang dinudulot palagi mula sa tatay kong laging pinagtatawanan pag lasing, at sa pagod dahil ako ang tumayong nanay na taga asikaso, naibaling ko sa kanya ang stress ko, actually gusto ko lang naman siyang matuto kaya ko siya inuutusan at minsan din kasi, pagod na ako at busy sa mga assignments ko.
    Naadik siya sa computer... At ang dami ng nagbago sa kanya, ang dami ng nagbago sa samahan namin, maybe I was wrong before... Sana may mag advice sa'kin.. Myghad, ayoko ng magkwento, tears are falling down and I hate this... Tanong lang po, Do I love my brother?

    ReplyDelete

Comments