xmlns:og='http://ogp.me/ns#'> "NOTJUSTABLOG": In Love Ka Ba Sa Bespren mo?

Popular Post of the Week

In Love Ka Ba Sa Bespren mo?

Masarap magmahal ng kaibigan ang hindi lang okay eh, yung mahalin mo siya nang palihim. Nahihirapan ka kasing magtago ng nararamdaman mo. Natatakot kang malaman niya na mahal mo siya dahil iniisip mo na baka iwasan ka niya sa oras na malaman niyang mahal mo siya.

      Kaya mas gugustuhin mo pang itago ang nararamdaman mo. Ang problema, hanggang kailan? Hanggang kailan mo itatago ang nararamdaman mo sa kanya? Nasasaktan ka sa tuwing nabibigo siya sa pag-ibig. Okay lang na mag-emote siya sa harapan mo. Willing ka pa ngang maging unan niya – sa likod mo doon siya iiyak.

      Nasasaktan siya dahil iniwan siya ng taong mahal niya. Ikaw naman, nasasaktan ng dahil sa kanya. Masakit kasing makitang nagdurusa  ang taong lihim mong minamahal. Ikaw ang mas higit na nasasaktan. Kulang na lang awayin mo ang taong mahal niya dahil binabalewala nito ang pagmamahal na ibinibigay sa kanya. Pero hindi mo magawa dahil alam mong magagalit sa’yo ang bespren mo kung aawayin mo ang mahal niya. Mas masakit pa kung kakampihan niya ito sa harapan mo.

      Eh, ano ba ang karapatan mo? Kaibigan ka lang niya!

      Ang masaklap pa patuloy kang umaasa. Minsan nga natutuwa ka pa kung break na sila lalo pa kung nakita mong ‘di naman okay ang minahal niya. Kaya lang kapag naka move on na si bespren eh, sa iba pa rin ang bagsak niya. Paulit-ulit lang ang eksena. Hindi pa rin ikaw ang pinili niya. 

              Ouch!

      Bakit kasi hindi ka niya napapansin? Baka naman may problema sa’yo?

      Masyado kang one of the guy, ‘yun bang bespren ng lahat. Kaya naman si guy natatakot na ligawan ka. Feeling niya kasi hanggang kaibigan lang ang turing mo sa kanya.

      Baka naman nawawala na ang feminine side mo kung saan iniisip niya na ka-tropa ka na talaga. Minsan kasi iniisip niya na ‘di na kayo talo. Hindi niya kasi nakikita na nagmamahal ka ng iba. Ang hindi niya alam siya pala ang dream guy mo.

      Kung lalaki ka naman baka iniisp niya nababading ka na kasi ‘di niya nakikita na nanliligaw ka sa iba. Eh, ‘di naman niya alam na siya pala ang gusto mong ligawan. Kaya ang nangyayari, ikaw na ang sumbungan niya ng kanyang lovelife. Ikaw naman ang nawalan ng lovelife!

      Sapul!

      Siguro ‘di ka niya napapansin kasi pilit mong ipinapaalam sa kanya na nagmamahal ka sa iba. Lagi mong sinasabi na crush mo ang basketbolistang kapit-bahay n’yo. Ginagawa mo lang ‘yun para pagtakpan ang nararamdaman mo sa kanya. Minsan naman, ipinapakita mo sa kanya na broken hearted ka. Umaasa na babalikan ng EX mo kaya si bespren umiiwas na kasi naniniwala siya na  umaasa ka pa na babalikan ka ng ex mo.

      Hindi mo ba napapansin, minsan tinatanong ka niya kung love mo pa ang ex mo. Ito pa, hindi ka niya napapansin kasi nga hindi talaga ikaw ang gusto niya.

      Masakit ‘di ba? Mahirap bang tanggapin na talagang hindi ikaw ang mahal niya? At ang masakit ‘di mo man lang nasabi na mahal mo siya.

      Natatakot ka kasi na baka mawala siya kapag nalaman niya na mahal mo siya. Bakit hindi mo sabihin?

      Alam mo ang love parang sugal. Kailangan mong tumaya at ihanda ang sarili sa risk. Malay mo mahal ka rin pala niya. Natakot lang din siya na baka iwasan mo siya. At kung talo ka eh, ‘di tanggapin mo na lang. Tandaan mo sa umpisa pa lang nasasaktan ka na. Atleast, nasaktan ka man eh, nalaman niyang mahal mo siya.

      Paano mo ba sasabihin? At kailan dapat sabihin?

      Kapag nabigyan ka nang pagkakataon na makausap siya. Hulihin mo ang mga mata niya. Sabihin mo sa kanya na special siya sa’yo. Swerte mo kung special ka rin sa kanya pero kung hindi dapat kang matuwa kasi naging matapang kang sabihin sa kanya ang nararamdaman mo.

      Paano mo sasabihin?

      Huwag mo siyang bibiglain o huwag mong sabihing mahal mo na siya agad. Baka kasi matakot sa’yo kung babanggitin mo ang salitang love. Sabihin mo na like mo na siya o special na siya sa puso mo. Tandaan, huwag sasabihin sa kanya ng biglaan. Kailangan nasa tamang panahon. Huwag isisingit sa kulitan ninyong dalawa. Kailangan face to face mong sasabihin sa kanya.

      Minsan nahihiya ka o natatakot sabihin sa kanya nang harapan. Eh, ‘di idaan mo sa ibang bagay. Mag message ka sa kanya ng mga sweet words – ‘yun bang iparamdam mo sa kanya na nag –level up na ang feelings mo sa kanya. Burahin mo sa isipan niya na kaibigan lang ang turing mo sa kanya.

      Ang lahat ng iyan eh, may limitations dapat. Kahit na sure na sure ka na about sa feelings mo eh, dapat alam mo kung saan ka lulugar. Hindi mo pwedeng sabihin sa kanya kung in a relationship na siya. Magiging magulo lang ang lahat at baka masira pa ang relationship nila.

      Kung ikaw naman ang nasa in relationship, kailangan mong timbangin kung sino nga ba ang mas mahal mo. Kung manalo si bespren eh, ‘di makipaghiwalay ka sa BF mo. Mahirap dayain ang puso lalo na kung iba ang nasa puso mo.


      Kung nakahanda ka nang sabihin sa kanya ang nararamdaman mo kasi single na siya dapat nasa tamang panahon din. Hintayin mong maka-recover siya sa EX niya. At kung may dinadala siyang problema eh, pigilan mo muna ang sarili mo. Baka namatayan na siya eh, may gana ka pang umamin sa kanya. Matatapon lang ang sinabi mo kasi ‘di niya iyon mapapansin. 

By Jondmur

No comments:

Post a Comment

Comments