May sparks ba ang relationship n’yo?

Naniniwala ako na hindi hadlang ang layo upang magparamdam ka ng sweetness sa taong mahal mo.

Puwede kang mag-paint o gumawa ng short stories or poems na first time mo lang gagawin. Kapag nakita niya ang efforts na ginawa mo tiyak akong ma-aapreciate niya ang ginawa mo sa kanya. Lalo na kung alam niyang wala ka talagang hilig sa arts.

Malayo man o malapit ang taong mahal mo huwag mong kakaligtaan ang magpadala ng mga romantic messages. Ibato mo na lahat ang mga banat lines na nalalaman mo. Malay mo ikatuwa niya ang mga pamatay na banat mo.

Kung ikaw si gwapito, maliban sa romantic date at pagbibigay ng flowers and chocolate sa babaeng mahal mo eh, subukan mo ring magpasalamat sa mga nagawa niya sa’yo. Katulad ng pagluto niya ng paborito mong ulam o paggising niya sa’yo tuwing umaga.

At kung ikaw si ganda, maliban sa pagluluto ng almusal o pagbibigay ng big hugs kay gwapito eh, subukan mong sabihin sa kanya na special siya sa’yo at ang relationship n’yo ang priority mo sa lahat ng bagay.

Mga simpleng pasasalamat o banat lines ay tiyak kong magpapangiti sa taong mahal mo. Malayo man siya o malapit sa’yo.

Tandaan! Hindi hadlang ang pagiging busy para hindi mo maipadama sa kanya ang iyong pagmamahal. Maglambing ka sa abot ng iyong makakaya. Kailangan ‘yan sa isang relationship para lalong tumibay ang relationship n’yo.

Gumawa ka ng mga surprises na tiyak mong ikatutuwa niya. Hindi naman kailangan na expensive talaga.

One cup of coffee sa umaga ay paraan din ng paglalambing. Masarap mag- coffee habang kasama mo ang taong mahal mo.

One box of chocolate tiyak kong ikatutuwa ni girlaloo. Kaya kung ikaw si gwapito dapat magbigay ka kahit once a month lang.

Isang pamatay na body massage kay gwapito tiyak akong ikatutuwa niya. Sino ba naman ang hindi matutuwa kung mabubuhay ang katawang lupa niya?

Maglambing ka sa pamamagitan nang pag-request ng isang bagay. Katulad nang pagyaya sa kanya na manood ng mga romantic movies. Nakakatulong kasi iyon upang magkaroon ng sparks ang relationship n’yo.

Huwag mong ipagdamot ang ngiti mo. Sino ba naman ang matutuwa kung sa umaga pa lang nakasimangot ka na. Talo mo pa ang nalugi sa lugawan. Ngumiti ka sa taong mahal mo kahit isang minuto lamang para maramdaman niya na masaya ka sa relationship ninyo.

Iparamdam mo sa kanya na siya lang ang mahal mo. Paano? Huwag ka nang tumanggap ng ibang manliligaw. At kung lalaki ka ipakita mo sa kanya na tapat ka sa kanya. Huwag mong iparamdam sa kanya na maraming naghahabol sa’yo.

Dapat give and take kayo sa lahat ng bagay. Kung sweet siya sa’yo dapat naibibigay mo rin iyon sa kanya.

Kapag may problema dapat napag-uusapan ninyo. Huwag palakihin ang issue kung maliit lamang ito. Minsan kasi nawawala ang ‘sparks’ sa mga maliliit na bagay lamang. Dapat marunong magpakumbaba ang isa sa inyo. Kung galit ang isa dapat mahinahon ang isa para di lumaki ang away.

Lambingin mo siya upang mawala ang bad moods niya. Minsan kasi sinasabayan mo ang init ng ulo niya. Feeling mo ikaw ang dahilan nang pagiging bad moods niya kaya napupunta sa away ang lahat. Bakit di mo na lang lambingin para lumamig ang ulo niya?

Maglambing ka! Wala namang mawawala kung magpapakita ka ng sweetness sa kanya lalo na kung nagmamahalan na kayo.

Lahat naman ng bagay dapat pinapakitaan ng maganda. Kahit gaano ka pa ka-busy dapat mong itatak sa isip mo na kailangan mong magbigay ng konting time para maglambing sa kanya.

Mga simpleng romantic messages ay sapat na para maipadama mo sa kanya na hindi mo siya nakakalimutan kahit nasa gitna ka pa ng disyerto.

            Tandaan! Para mapanatili ang ‘sparks’ dapat busugin mo siya ng pagmamahal para hindi na maghanap ng ibang putahe.

Written by Jondmur (TRE VOLUME ONE)

Image from Google Search