Marunong Ka Bang Humalik?

Normal lang ba ang makipaghalikan?

Normal lang naman ang kissing lalo na sa taong nagmamahalan. Ang hindi normal kung nanakawan mo ng halik ang taong alam mong hindi ka type.

Paano nga ba humalik?

      Ang kiss, kusa mo siyang matututunan pero minsan natututo ka rin lalo na kung magaling ang partner mo. Ginagaya mo kasi ang ginagawa niya.

      Kung first time mong humalik o mahalikan dapat gawin mo ito ng may halong pagmamahal. Kapag nasa private place kayo, masdan mo ang mga mata niya. Lumapit ka sa kanya – inch by inch hanggang sa maglapat ang inyong mga labi.

      Mahalaga na malinis ang hininga mo para huwag siyang matakot sa’yo pero kung pareho lang kayong kumain ng sibuyas o kakalunch n’yo lang eh, acceptable na iyon. Kung love mo siya, di mo na iisipin kung mabaho o mabango ang hininga niya. Pero kung kinakailangan na pagsabihan mo ang partner mo na alagaan ang breath niya eh, makakabuti iyon para sa kanya.

      Kung hahalik ka magsimula ka sa labi. Baka kasi gilagid to gilagid na ang gawin mo, tiyak akong matatakot ang partner mo. Easy ka lang! Dahan-dahan na para bang nilalasap mo ang bawat tamis ng pagmamahalan ninyo.

      Malumanay ang paghalik, it’s either sa top lips or lower lips ang unahin mo. Ang mahalaga huwag kang magmamadali na para kang mauubusan ng isda sa palengke.

      Kung gusto mong mag level up – hulihin mo ang dila niya hanggang sa gumanti siya. Pero tandaan, kung lips to lips lang eh, sapat na para mag-enjoy ang partner mo.

      Kung gusto mo ng tongue to tongue dapat huwag mo siyang bibiglain.  Magsimula ka muna sa labi hanggang sa makakuha ka ng right time para salubungin ang dila niya.

      Huwag masyadong kagatin lalo na kung first time ng partner mo baka isipin niya sabik na sabik ka sa dila niya. Gently touch the tips of the tongue nang dahan-dahan na may halong pagmamahal. Relax lang!

      Pero kung sanay na kayo katulad ng french kissing or tongue kissing eh, nasa inyo na iyon kung paano ninyo lalaruin. Pero kung first time ng partner mo dapat magsimula sa dahan-dahan. Para ‘di masaktan!

      Kapag hahalik ka o hinahalikan ka huwag mong kalimutang huminga. Baka magulat na lang partner mo na bigla ka na lang natumba.

      Di ka kasi humihinga! Tumigil ka sandali – smile and then look into your partner’s eyes.

      Kapag nakikipaghalikan ka dapat may thrill – dapat may style ang bawat paglapat ng mga labi mo. Huwag kang mag focus sa isang SPOT o magpalipat-lipat ka. Kung hindi sa lower lips, sa upper lips at minsan hulihin mo ang dila niya na tila nahihiyang magpahuli sa’yo.

      Bitinin mo rin siya ng konti – kunwari huhulihin mo ang dila niya pero ‘pag parating na ikaw naman ang iiwas hanggang sa siya na mismo ang humuli sa malikot mong dila. Perfect!

      Kailangan love mo siya para maramdaman mo ang excitement. Kung ‘di mo love kahit like mo lang – kasi naman kapag ‘di mo like baka masuka ka sa ginagawa niya. Hindi ba?

      Alam mo, kung sa tingin mo ‘di ka magaling humalik eh ‘wag kang mag-alala. Hindi mo kailangang maging expert – hayaan mong sumabay sa agos. Hayaan mo na ang partner mo ang magdala sa’yo. Gawin mo na lang kung ano ang ginagawa niya sa’yo. Balang-araw, masasanay ka na rin.

      Tandaan, kung like n’yo ang bawat isa eh, sure akong mag - eenjoy kayo!

      Kung first time mo, huwag kang matakot kasi ang totoo kinakabahan din ang partner mo. Kaya nga bumibilis ang tibok ng puso. At kung sanay na siya, sure akong siya mismo ang magdadala sa’yo.

     Alam n’yo iba-iba ang klase ng paghalik. Ilan sa mga nalalaman ko eh, ituturo ko sa inyo. Hinango ko ito mula sa mga nababasa ko sa mga magazine o mga natutunan sa aking pagbibinata.

     

Handa na ba kayo?

      The French Kiss - Sikat na sikat ang french kiss lalo na sa mga movies. Talagang mapapanganga ka sa sobrang excitement. Kilala rin ito sa tawag na tongue kiss. Ibig sabihin, dila sa dila. Kadalasan itong ginagawa ng mga partners lalo na kung hot na hot na sila. Iba kasi ang dating kapag dila na ang pinag-uusapan. Sa madaling salita, naglevel-up na kayo. Tandaan, nasa inyo naman iyon. Huwag pilitin ang ayaw. Lips to lips eh, sapat na kung nagmamahalan kayo.

    The Single-Lip Kiss - Isa ito sa mga romantic kiss na kadalasang ginagawa ng mag-partners.  Paano? Simple lang, hulihin mo ang upper lips saka bahagyang kagatin o simply suck it! Siguraduhin mo lang na tama ang ginagawa mo para maging romantic siya.

      The Earlobe Kiss - Kung nais mong magpahinga sa lips eh, pumunta ka sa tenga o sa earlobe ng partner mo. Nandoon din kasi ang sensation o ang kiliti para mas maging mainit ang paghahalikan ninyo. Konting lapat ng dila saka konting pagkagat ay nagdudulot ng kakaibang kiliti sa partner mo. Huwag sipsipin ang butas ng tenga kung ayaw mong ma-shock!

     Lip Gloss Kiss - Usung uso ito sa mga pelikula kung saan si Girlalu hahalikan si Gwapito at maiiwan ang kiss mark sa white shirt o cheek nito. Sa mga girlalu, kung gusto n’yong ma surprise si BF eh, maglagay kayo ng sweet or fruity flavor para mas enjoy ang romantic events ninyo.

     The Eskimo Kiss - Nagagawa ito sa mga movies, kung saan ‘di naman totally naghalikan ang dalawang bida. Nagbungguan lang ang kanilang mga ilong. Nakapikit habang habol ang paghinga. Sa Eskimo Kiss, ang nose ng mag partner ay naglalapat – back and forth againts each other. Naks! Kahit ‘di naglapat ang mga labi eh, okay na – para kang nasa ulap. Lalo na kung si crush ang gagawa nito sa’yo. Kadalasan nagaganap ito sa accidental na bungguan – ung ‘di mo alam kung hahalikan ka o hindi. Ang alam mo lang napapikit ka at naramdaman mo ang nose niya na sumasagi sa nose mo. Grabe! Para kang nasa langit!

      Cheek Kiss - Normal kiss na ito sa karamihan. Kahit sa friends mo pwede mong gawin. Lalo na sa saying goodbye sa BF or GF mo. Teka! Mahaba na pala ang nasasabi ko. Sana nag-enjoy kayo sa pinag-usapan natin ngayon. Tandaan! Normal lang ang kissing, ginagawa mo iyon sa taong mahal mo.

     

      Marami na tayong napag-usapan. Umaasa ako na nakatulong ako sa bigat na nararamdaman n’yo, napangiti ko kayo, at higit sa lahat may natutunan kayo sa mga naibahagi ko. Kung In love ka dapat maglagay ka ng limitations. Mahalin mo muna ang sarili mo para nakahanda ka nang magmahal ng iba. At kung broken hearted ka, huwag mong sirain ang buhay mo. Tandaan! May dahilan ang lahat kung bakit ka nasaktan. Tinuturuan ka lang na maging matatag sa susunod na relationship na papasukin mo.

     

By Jondmur