Patama Quote: Hiwalayan

"Iniwan ka niya kasi may ipapalit na siya sa’yo. Yun lang yun!" - jondmur

Tinamaan ka ba? Feeling mo iniwan ka niya kasi may ipapalit na siya sa'yo? Hindi ka manhid para hindi maramdaman na unti-unti na siyang nilalamig sa'yo.

Bakit nga ba may naghihiwalay? Ano nga ba ang dahilan ng mga hiwalayan? Ito ang pag-uusapan nating ngayon.

Naghiwalay kayo kasi masyado ka nang nasasaktan – emotionally and physically. Sino ba ang matutuwa kung nakikita mong niloloko ka lang? Sino ba ang matutuwa kung sinasampal ka na? Aba! Di na uso ang martyr ngayon. Lumaban ka o makipag hiwalay ka na sa kanya lalo pa't di pa kayo kasal.

Naghiwalay kayo kasi di ka na masaya sa kanya. Bakit? Baka nawala na ang SPARK ninyong dalawa? Nagkulang siya sa paglalambing sa’yo. Hindi niya naibibigay ang lahat ng gusto mo. At kulang ang oras na inilalaan niya para sa'yo.

Basta! Maraming reason kung bakit di ka na masaya sa kanya. Baka marami kang hinahanap na hindi mo matagpuan sa kanya.

O, ung feeling na nagbago na siya. 

Next, kapag nawala ang tiwala minsan nagkakaroon ka ng dahilan para tapusin na ang isang relasyon. Sabi ko nga, kapag nawala ang tiwala nagiging marupok ang isang relasyon.

Paano ka pa magtitiwala kung paulit ulit lang ang mga kasalanan niya sa’yo?

Nakipaghiwalay ka kasi nawala na ang tiwala mo sa kanya. Napagod ka na rin sa mga kasinungalingan niya. Napapagod ka na sa pagbibigay ng chance?

Aba, ilang chance ba ang kailangang ibigay?

One more chance?

Next, nakipaghiwalay ka kasi may ibang mahal ka na.

Wapak!

Kasalanan mo ba kung nagmahal ka ng iba?

Masama sa paningin ng iba pero minsan may dahilan ka. Nagkulang ang taong nagmamahal sa’yo o sadyang naghanap ka lang ng iba.

Tatapusin mo ang isang relasyon para pumasok sa bagong relasyon. Kahit pa may masaktan ka pa. Minsan kasi mas mabuting tapusin na habang maaga pa. Mahirap ipilit ang puso kung talagang di ka na masaya sa kanya.

Kaysa naman dalawa silang mamahalin mo o dalawa silang karelasyon mo. Eh di makipag hiwalay ka sa kanya. Mahirap pero kailangan mong mamili kung sino mas matimbang sa puso mo.

Kaya nga nauso ang hiwalayan dahil sa ganitong sitwasyon.

Ano ang next?

Nakipaghiwalay ka sa kanya kasi gusto mo maging single. Napapagod ka na sa awayan ninyong dalawa. Nagsasawa ka na sa mga madramang selosan o natuklasan mo na minsan mas masaya ka kung single ka.

Naghiwalay kayo kasi di mo pa siya lubusang kilala. Paano kasi sa internet lang kayo nagkikita. Marami kang questions na di niya nasasagot.

Nagsawa ka na sa mga paliwanag niya na nababalutan nang kasinungalingan.

May next pa ba?

Alam n’yo maraming dahilan ang hiwalayan. Aminin mo na hindi sa lahat ng pagkakataon eh ikaw ang biktima. Minsan kasi ikaw ang lumalayo, ikaw ang nakakapanakit ng puso ng iba.

Ikaw din ang nagkulang. Ikaw din ang nagsawa sa relasyon ninyo. Ikaw din ang natukso sa iba.

Sapul!

Meron pa ba? 

Naghiwalay kayo kasi binalikan niya ang EX niya. Panakip butas ka lang kasi - kawawa ka naman!

Ang mahalaga, pagkatapos ng hiwalayan eh matuto kang bumangon. Lahat naman ay may dahilan. Lahat tayo nasasaktan.

Tumayo ka! Hindi yung bumagsak ka na gagapang ka pa.

Meron ding hiwalayang – letting go! Pinakawalan mo siya dahil nasa iba ang kaligayahan niya. Masakit ang salitang Goodbye – makikipaghiwalay ka kahit alam mong mahal mo pa siya.

Kasi iyon ang tama – sa ano mang relasyon na meron kayo. Lalo na kung ikaw ang nakiki-apid. Makikipaghiwalay ka kasi iyon ang tama. Nauntog ka na kasi – ayaw mo nang makasira pa ng pamilya.

Salamat!

Posted and created by Jondmur